ਤਾਜਾ ਖਬਰਾਂ
ਰਾਸ਼ਟਰਮੰਡਲ ਖੇਡਾਂ 2026 (CWG 2026) ਦੇ ਸਮਾਪਨ ਤੋਂ ਠੀਕ ਇੱਕ ਦਿਨ ਪਹਿਲਾਂ (1 ਅਗਸਤ) ਭਾਰਤੀ ਅਥਲੀਟਾਂ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਮੈਡਲ ਸੂਚੀ 'ਚ ਵੱਡਾ ਉਲਟਫੇਰ ਕਰ ਦਿੱਤਾ ਹੈ। 10ਵੇਂ ਦਿਨ ਭਾਰਤੀ ਰਿੰਗ 'ਚ ਮੁੱਕੇਬਾਜ਼ਾਂ ਨੇ ਸੋਨੇ ਦੇ ਤਗਮਿਆਂ ਦੀ ਬਾਰਿਸ਼ ਕਰਦਿਆਂ ਦੇਸ਼ ਦੀ ਝੋਲੀ 'ਚ ਕੁੱਲ 16 ਨਵੇਂ ਮੈਡਲ ਪਾਏ। ਇਸ ਸ਼ਾਨਦਾਰ ਸਫ਼ਲਤਾ ਦੇ ਦਮ 'ਤੇ ਭਾਰਤ ਨੇ ਲੀਡਰਬੋਰਡ 'ਚ ਇੱਕੋ ਝਟਕੇ 'ਚ 6 ਟੀਮਾਂ ਨੂੰ ਪਛਾੜ ਕੇ ਚੌਥਾ ਸਥਾਨ ਹਾਸਲ ਕਰ ਲਿਆ ਹੈ।
10ਵੇਂ ਦਿਨ ਦੀ ਖੇਡ ਸ਼ੁਰੂ ਹੋਣ ਤੋਂ ਪਹਿਲਾਂ ਭਾਰਤ ਕੁੱਲ 23 ਤਗਮਿਆਂ (5 ਸੋਨ, 12 ਚਾਂਦੀ, 6 ਕਾਂਸੀ) ਨਾਲ ਰੈਂਕਿੰਗ 'ਚ 10ਵੇਂ ਸਥਾਨ 'ਤੇ ਪੱਛੜ ਰਿਹਾ ਸੀ। ਹਾਲਾਂਕਿ, 1 ਅਗਸਤ ਦੇ ਮੁਕਾਬਲਿਆਂ ਨੇ ਪੂਰੀ ਤਸਵੀਰ ਬਦਲ ਦਿੱਤੀ।
ਇਸ ਇੱਕੋ ਦਿਨ ਵਿੱਚ ਭਾਰਤ ਨੇ 8 ਸੋਨ, 5 ਚਾਂਦੀ ਅਤੇ 3 ਕਾਂਸੀ ਦੇ ਤਗਮੇ ਜਿੱਤ ਕੇ ਆਪਣੇ ਕੁੱਲ ਮੈਡਲਾਂ ਦੀ ਗਿਣਤੀ 39 (13 ਸੋਨ, 17 ਚਾਂਦੀ, 9 ਕਾਂਸੀ) ਤੱਕ ਪਹੁੰਚਾ ਦਿੱਤੀ ਹੈ, ਜਿਸ ਨਾਲ ਭਾਰਤ ਸਿੱਧਾ ਚੌਥੇ ਨੰਬਰ 'ਤੇ ਆ ਗਿਆ ਹੈ।
ਮੁੱਕੇਬਾਜ਼ੀ ਈਵੈਂਟਸ 'ਚ 10 ਭਾਰਤੀ ਮੁੱਕੇਬਾਜ਼ ਸੋਨ ਤਗਮੇ ਦੇ ਮੁਕਾਬਲੇ ਲਈ ਉੱਤਰੇ ਸਨ, ਜਿਨ੍ਹਾਂ 'ਚੋਂ 7 ਨੇ ਆਪਣੇ ਫਾਈਨਲ ਮੈਚ ਜਿੱਤ ਕੇ ਸੋਨਾ ਆਪਣੇ ਨਾਂ ਕੀਤਾ, ਜਦਕਿ 3 ਮੁੱਕੇਬਾਜ਼ਾਂ ਨੂੰ ਚਾਂਦੀ ਦੇ ਤਗਮੇ ਨਾਲ ਸੰਤੋਸ਼ ਕਰਨਾ ਪਿਆ।
ਮੁੱਕੇਬਾਜ਼ੀ ਤੋਂ ਇਲਾਵਾ, ਪੈਰਾ-ਐਥਲੈਟਿਕਸ 'ਚ ਪੁਰਸ਼ਾਂ ਦੇ ਸ਼ਾਟ ਪੁਟ F57 ਈਵੈਂਟ ਦੌਰਾਨ ਸੋਮਨ ਰਾਣਾ ਨੇ ਭਾਰਤ ਨੂੰ ਦਿਨ ਦਾ 8ਵਾਂ ਸੋਨ ਤਗਮਾ ਦਿਵਾਇਆ।
ਚਾਂਦੀ (Silver): 10ਵੇਂ ਦਿਨ ਆਏ 5 ਚਾਂਦੀ ਦੇ ਤਗਮਿਆਂ 'ਚੋਂ 3 ਮੁੱਕੇਬਾਜ਼ੀ (ਮਹਿਲਾ 75 ਕਿਲੋ, ਪੁਰਸ਼ 90 ਕਿਲੋ ਅਤੇ 55 ਕਿਲੋ) 'ਚ ਮਿਲੇ, ਜਦਕਿ ਬਾਕੀ 2 ਚਾਂਦੀ ਦੇ ਤਗਮੇ ਪੁਰਸ਼ਾਂ ਦੇ ਟ੍ਰਿਪਲ ਜੰਪ ਅਤੇ ਸ਼ਾਟ ਪੁਟ F57 ਈਵੈਂਟ 'ਚ ਆਏ।
ਕਾਂਸੀ (Bronze): ਭਾਰਤ ਨੇ 3 ਕਾਂਸੀ ਦੇ ਤਗਮੇ ਵੀ ਆਪਣੇ ਨਾਂ ਕੀਤੇ, ਜੋ ਪੁਰਸ਼ਾਂ ਦੇ ਟ੍ਰਿਪਲ ਜੰਪ, 5,000 ਮੀਟਰ ਦੌੜ ਅਤੇ ਜੂਡੋ ਮੁਕਾਬਲਿਆਂ 'ਚੋਂ ਹਾਸਲ ਹੋਏ।
CWG 2026: ਤਾਜ਼ਾ ਮੈਡਲ ਅੰਕੜੇ (Top 10 ਦੇਸ਼)
1. ਆਸਟ੍ਰੇਲੀਆ: 63 ਸੋਨ, 40 ਚਾਂਦੀ, 51 ਕਾਂਸੀ (ਕੁੱਲ: 154)
2. ਇੰਗਲੈਂਡ: 26 ਸੋਨ, 40 ਚਾਂਦੀ, 34 ਕਾਂਸੀ (ਕੁੱਲ: 100)
3. ਕੈਨੇਡਾ: 18 ਸੋਨ, 20 ਚਾਂਦੀ, 21 ਕਾਂਸੀ (ਕੁੱਲ: 59)
4. ਭਾਰਤ: 13 ਸੋਨ, 17 ਚਾਂਦੀ, 9 ਕਾਂਸੀ (ਕੁੱਲ: 39)
5. ਸਕਾਟਲੈਂਡ: 13 ਸੋਨ, 8 ਚਾਂਦੀ, 17 ਕਾਂਸੀ (ਕੁੱਲ: 38)
6. ਨਾਈਜੀਰੀਆ: 10 ਸੋਨ, 7 ਚਾਂਦੀ, 6 ਕਾਂਸੀ (ਕੁੱਲ: 23)
7. ਜਮੈਕਾ: 9 ਸੋਨ, 3 ਚਾਂਦੀ, 5 ਕਾਂਸੀ (ਕੁੱਲ: 17)
8. ਨਿਊਜ਼ੀਲੈਂਡ: 8 ਸੋਨ, 11 ਚਾਂਦੀ, 9 ਕਾਂਸੀ (ਕੁੱਲ: 28)
9. ਵੇਲਸ: 8 ਸੋਨ, 10 ਚਾਂਦੀ, 12 ਕਾਂਸੀ (ਕੁੱਲ: 30)
10. ਮਲੇਸ਼ੀਆ: 8 ਸੋਨ, 3 ਚਾਂਦੀ, 3 ਕਾਂਸੀ (ਕੁੱਲ: 14)
Get all latest content delivered to your email a few times a month.
